ايک اور حديث پاک ميں آتا ہے کہ سلمان فارسي فرماتے ہيں کہ حضور سرورکائنات نے شعبان کے آخر ميں وعظ فرمايا اے لوگوں تمہارے پاس عظمت والا مہينہ آيا ہے وہ مہينہ جس ميں ايک رات ہزار مہينوں سے بہتر ہے اور اسکے روزے اللہ تعالي نے فرض کئے اور اس کي رات ميں قيام کرنا تطوع يعني نفل قرار ديا ہے، جو اس ميں نيکي کا کوئي کام يعني عبادت کرے تو ايسا ہے جيسے اور مہينہ ميں فرض ادا کيا، اور جس نے ايک فرض ادا کيا تو ايسا ہے جيسے دونوں ميں ستر فرض ادا کيا، يہ صبر کا مہينہ ہے اور صبر کا ثواب جنت ہے اور يہ ہے کہ غم خواري کا مہينہ ہے اور اس مہينہ ميں مومن کا رزق بڑھ جاتا ہے، جو اس ميں روزہ دار کو افطار کرائے اس کے گناہوں کيلئے مغفرت ہے اور اس کي گردن جہنم سے آزاد کردي جائے گي، اور اس ميں افطار کرانے والے کو ويسا ہي ثواب ملےگا جيسا روزہ رکھنے والے کو ملے گا، بغير اس کے کہ اس کے ثواب ميں کچھ کمي نہ واقعہ ہوئي، ہم نے عرض کيا يارسول اللہ ہم ميں سے ہر شخص وہ چيز نہيں پاتا يہ ثواب جس سے وہ روزہ افطار کرائے، حضور نے فرمايا، اللہ تعالي يہ ثواب اس شخص کو بھي دے گا جو ايک گھونٹ دودھ يا ايک کھجور يا ايک گھونٹ پاني سے افطار کرائے گا، جس نے روزہ دار کو پيٹ بھر کھر کھانا کھلايا اس کو اللہ تعالي ميرے حوض سے سيراب کرےگا، کبھي پياسا نہ رہے گا، يہا تک کہ جنت ميں داخل ہوجائے گا، يہ وہ مہينہ ہے کہ کہ اس کا پہلا عشرہ رحمت دوسرا عشرہ مغفرت اور اس کا آخري عشرہ دوزخ سے آزادي کا ہے، اور جو اپنے غلام پر اس مہينہ ميں تخفيف کرے گا يعني کام لينے ميں کمي کردے تو اللہ تعالي اسے بخش دے گا اور جہنم سے آزاد فرمائے گا۔

<<<پچھلا صفحہ 

1

 اگلا صفحہ>>>