|
|
| راجہ ٹوڈر مل |
موتمن الدولہ عمدتھ الملک راجہ ٹوڈرمل اپنے زمانے کا بڑا لائق
آدمي گنا جاتا تا تھا، اکبر کا ديوان ہونے سے پہلے يہ راجائے راجگان مہاراجہ سام
گڑھ کي سرکار ميں رہ چکا تھا اور اپني وفاداري ميں اب بھي ايسا راسخ تھا، کہ
جب تک علي الصبح الشنان کرکے مہاراجہ موصوف کي مورتي کوڈنڈوت نہ کرليتا تھا، کھانے
کو ہاتھ نہ لگاتا تھا، اس کي کوشش تھي، کہ اکبر اس کے دلي نعمت سے دوستي رکھے، کسي
اور سے نہ رکھے، ليکن بعض لوگ راجہ سام گڑھ کو اچھا نہ سمجھتے تھے، مثلا
ذولفقار الدولہ خانخاناں راجہ ٹوڈر مل نے بادشاہ کے مزاج ميں ذخيل ہو کر خانخانان
کو معزول کراديا، بعض کہتے ہيں کہ بددل ہو کر خود ہي چھوڑ گيا، چند امرا کو
تو راجہ ٹوڈرمل نے ملک بدر بھي کرا ديا، راجہ ٹوڈر مل حساب کتاب اور جوڑ توڑ کا
ماہر تھا، اس کے عہد ميں ملک نے اقتصادي طور پر بڑي ترقي کي، بادشاہ کے عزيز اس کے
سايہ داطفت ميں ديکھتے ديکھتے مالا مال ہوگئے، جو چيز قبل ازاں ايک روپيہ ميں ملتي
تھي، راجہ ٹوڈر مل کي خوش تدبيري کے باعث بازار ميں چار روپيہ ميں ہر جگہ آساني سے
دستياب ہونے لگي، نتيجہ يہ ہوا کہ لوگوں کا معيار بڑھتا چلا گيا، سنبھالنا مشکل
ہوگيا۔
اکبر ٹوڈر مل کو منصب پنج ہزاري دے رکھا تھا، ليکن وہ موقع مناسب ديکھ کر دوبارہ
سام گڑھ چلا گيا، راجائے راجگان نے اسکي خدمت کي اعتراف ميں اسے عہدہ بست ہزاري سے
سرفراز کيا۔ |
|
 |
