اس سے پہلے کہ گھر کے پردوں سے
ٹيڈي پتلون کوئي سلوا لوں

اس سے پہلے کہ تجھ کو دے کر دل
ترے کوچے ميں خود کو پٹوا لوں

اس سے پہلے کہ تيري فرقت ميں
خود کشي  کي سکيم اپنا لوں
 
اس سے پہلے کہ اک تيري خاطر ميں
نام غنڈوں ميں اپنا لکھوا لوں

ميں ترا شہر چھوڑ جائوں گا

اس سے پہلے کہ کہ وہ عدو کمبخت
تيرے گھر جا کر چغلياں کھائے

اس سے پہلے کہ دیں رپٹ جاکر
تيرے ميرے شريف ہمسائے

اس سے پہلے کہ تيري فرمائش
مجھ سے چوري کا جرم کروائے

اس سے پہلے کہ اپنا تھانيدار
مرغ تھانے کا مجھ کو بنوائے

ميں تيرا شہر چھوڑ جائوں گا

تجھ کو آگاہ کيون نہ کر دوں ميں
اپنے اس انتطام سے پہلے

مشورہ بھي تجھي سے کرنا ہے
اپني مرگ حرام سے پہلے

کوئي ايسي ٹرين بتلا دے
جائے جو تيز گام سے پہلے

آج کے اس ڈنر کو بھگتا کر
کل کسي وقت شام سے پہلے

ميں ترا شہر چھوڑ جائوں گا
دل کي گردن مروڑ جائوں گا