مجھ کو داتا دلا ہوگا تيرا بھلا مجھ کو داتا دلا

اے پلاٹوں کے مالک تري خير ہو
اے لاٹوں کے مالک تري خير ہو
کوئي کوٹھي دلا کوئي بنگلہ دلا
چھاپہ خانہ دلا کارخانہ دلا

قوم کے نام پر مجھ کو داتا دلا
ہوگا تيرا بھلا

بام گردوں پہ تيرا ستارہ رہے
زندگي ميري کيوں بے سہارا دار ہے
ميرے کشکول ميں ليڈري ڈال دے
کرٹکٹ مرحمت ممبري ڈال دے
کوئي مل يا جننگ فيکڑي ڈال دے
کوئي ہوٹل کوئي کمپني ڈال دے

قوم کے نام پر مجھ کو داتا دلا
ہو گا تيرا بھلا

عالم رنگ برنگ و بو ميں تو پھولے
نام کا تيرے دنيا ميں سکہ چلے
باقيادت دلايا صدارت دلا
يا وزارت دلا يا سفارت دلا
گنج بخشا تو گنج سعادت دلا
اپنے خادم کو تو بہر خدمت دلا

قوم کے نام پر مجھ کو داتا دلا
ہوگا تيرا بھلا

تجھ کو شاد اور آباد  رکھے خدا
خوب چشمہ ہو جاري ترے فيض کا
کوئي پرمٹ ملے کوئي ٹھيکہ ملے
کوئي امپورٹ لائسنس اچھا ملے
جاہ کي بھيک عہدے کا صدقہ ملے
کچھ تو مال غنيمت کا حصہ ملے

قوم کے نام پر مجھ کو داتا  دلا
ہوگا تيرا بھلا