مدتوں کے بعد اس کو ديکھ کر ايسا لگا
جيسے روزہ دار کي حالت ہو افطاري کے بعد

باندھ کر سہرا نظر آيا يوں نوشہ مياں
جس طرح مجرم دکھائي دے گرفتاري کے بعد

ہيروئن پچپن برس کي ہو چکيں تو غم نہيں
اب گلوکاري کريں گي اداکاري کے بعد

قوم کو بيدار کر شکو ميوزک چھيڑ کر
جو بيچاري سو چکي ہے راگ درباري کے بعد

عيد پر مسرور ہيں دونوں مياں بيوي بہت
ايک خريداري سے پہلے اک خريداري کے بعد

عقد ثاني کا مزا پوچھا تو بولے شيخ جي
ايسے لگتا ہے چکن چکھا ہے ترکاري کے بعد

راہ الفت کي ٹريفک ہو کہ موٹر وے کي ہو
حادثے ہوتے ہيں شاہد تيز رفتاري کے بعد