اک مولوي صاحب سے کہا ميں نے کہ کيا آپ
کچھ حالت يورپ سے خبر دار نہيں ہيں

آمادہ اسلام ہيں لندن ميں ہزاروں
ہر چندا بھي مائل اظہار نہيں ہيں

تقليد کے پھندوں سے ہوئے جاتے ہيں آزاد
وہ لوگ بھي جو داخل احرار نہيں ہيں

جو نام سے اسلام کے ہو جاتے ہيں برہم
ان ميں بھي تعصب کے وہ آثار نہيں ہيں

افسوس مگر يہ ہے کہ واعظ نہيں پيدا
يا ہيں تو بقول آپ کے ديں دار نہيں ہيں

کيا آپ کے زمرہ ميں کسي کو نہيں يہ در
کيا آپ بھي اس کے لئےتيار نہيں ہيں؟

جھلا کے کہا يہ کہ کيا سؤ ادب ہے
کہتے ہو باتيں جو سزاوار نہيں ہيں

کرتے ہيں شب و روز مسلمانوں کي تفکير
بيٹھے ہوئے کچھ ہم بھي تو بيکار نہیں ہيں