پوچھا جو ميں لالہ للائين کہاں گئي؟
نيچي نظر سے کہنے لگے وہ بھي چوگئي

ميں نے ديا جو اب انہيں ازراہ مذاق
کيا وہ بھي کوئي چھت تھي بارش سےچوگئي

کہنے لگے کہ آپ بھي مسخرے عجيب
اب تک بھي آپ سے نہ تمسخر کي بوگئي

چو ہوشيار پور ميں ندي سے ہے مراد
بي بي تميز بھي وہيں کرنے وضو گئي

ميں نے کہا کہ چو سے اگر ہے مراد جو
پھر يوں کہو کہ تابہ لب جو آگئي

کيوں مينٹھتے ہيں ماش کے آٹے کي طرح آپ
دھوتي سے آپ کي نہيں ہلدي کي بو گئي

لطف زباں سے کيا ہو سروکار آپ کو
دامن کو آپ کے نہيں تہذيب چھوگئي

ہندي ميں آکے جيم کوچے سے بدل ديا
چو آئي کہسار ميں گلشن سے جو گئي

لہجہ درشت زبان ہوگئي کرخت
لطف کلام و شتسگي گفتگو گئي

معني کو ہے گلہ ہوا بے حجاب ميں
شکوہ ہے لفظ کو کہ مري آبرو گئي

افسوس ملک ميں نہ رہي فارسي کي قدر
مستي اڑي شراب سے پھولوں سے بوگي