ھنسوں تو اہل عالم سب شريک خندہ ھوتے ھيں
جو روؤں تو کوئي ھمدم نہيں جز رنج تنہائي

خوشي ميں حصہ لينے کے لئے تيار ھے دنيا
مگر کوئي نہيں سرمايہ غم تمنائي

جو گائوں تو جواب نغمہ کہساروں سے سنتا ھوں
بھروں آھيں تو رھ جاتي ھيں معدوم فضا ھوکے

 صدائےبازگشت آتي ھے سن کر نغمہ عشرت
مگر نالوں سے کترا جاتي ھے نا آشنا ھو کر

سناتا ھوں خوشي تو مرجع جہاں ھوں ميں
مگر مغموم ھوتا ھوں سب آنکہيں چراتے ھيں

زمان عيش ھي ميں دوست ھيں دنيا کے باشندے
يہ ميرے داستان درد کب سننے کو آتے ھيں

اگر خوش ھوں تو لاکہوں ميں مرے احباب شيدائي
جو غم کہائوں، غم بے مہري ياراں سے مرتا ھوں

مرے شغل مئے گلگلوں ميں سب شرکت کے خواہاں ھيں
مگر تلخانہ حسرت کے ميخانے ميں تنہا ھوں

بچہائوں خوان نعمت تو بہت ناخواندہ مہماں ھيں
نہيں ھے فاقہ مستي ميں شريک حال بد کوئي

 سخاوت زندگي ميں کاميابي کي معاون ھے
مگر ھنگام مردن کو نہيں سکتا مدد کوئي

 بساط محفل عشق و مسرت وھ وسعت ھے
کہ طول و عرض ميں اس کے سما سکتي ھے اک دني

مگر اس تنگنائے غم ميں اے دنيا کے باشدوں
گزرتا ھے ھجوم بے کسي ميں ھر بشر تنہ