آک تک آپ کے سينے سے
جل رہا ہے چراغ محنت کا

کتني صديوں سے تھا انتظار آپ کا
اس زمانے کو کتنے زمانے لگے

اس وقت بھي ہونٹوں پہ محمد کي ثنا ہو
جب زير قدم چاند ستاروں کي ردا ہو

آئينہ خانے کي حد ميں کس نے رکھا ہے قدم
جل اٹھے ہيں آئينہ خانے ميں حيرت کے چراغ

اسوہ مصطفے کي يہ تفسير ہے
روشني روشني روشني روشني

جسے آئينہ قرآن کہے
محمد مصطفے کي زندگي ہے

دل يہ کہتا ہے کہ آنکھيں بچھا ديجئے
جس جگہ ان کے نقش قدم ديکھئے

محمد محمد محمد محمد
مري زيست کا اور عنوان کيا ہے

ہے حسن  عمل سے کس سے ضيا يہ علم و ہنر
اک امي لقب کا صدقہ لوگو يہ شعور انساني

اب خوب کيا تمازت خورشيد وقت سے
پھيلادئيے ہيں دھوپ ميں سائے رسول نے

ہر اک لمحہ حيات مصطفي کا
ازل سے تا ابد پھيلا ہوا ہے

ميري عزت ميري شہرت آپ مدحت سے ہے
ہے بہت اعجاز پر چشم عنايت آپ کي

سرور انبيا کے صدقے ميں
ہر تمنا قبول ہو کے رہي

چن لئے مصطفي نے سب کانٹے
زندگي اپني پھول ہوکے رہي

معيار ذات سيد ابرار ہي رہے
جب بھي کسي اصول کي تعريف کيجئے

اچھائيوں کی آخر تعريف ہے يہي
اللہ کے رسول کي تعريف کيجئے