بول سکھي دل نے کس پل اکسايا ہوگا؟
پگلي جس پل اس کا درشن پايا ہوگا

بول سکھي، کيوں چندا مجھ کو تانکے جھانکے؟
پگلي اس کو آجر کچھ تو بھايا ہوگا

بول سکھي نينوں سے نيند چراني کس نے؟
پگلي وصل کا جس نے خواب دکھايا ہوگا

بول سکھي وہ روٹھا روٹھا کيوں لاگے ہے؟
پگلي بيري لوگوں نے سکھلايا ہوگا

بول سکھي کيون منوا جل کر طور بنا ہے؟
پگلي پيتم نے جلوہ دکھلايا ہوگا

بول سکھي کيوں سرخ گلاب کسي نے بھيجا؟
پگلي پيت کا سنديسہ بھجوايا ہوگا

بول سکھي يہ تن من کس کي بھينٹ چڑھاؤں؟
پگلي جس کے کارن جيون پايا ہوگا

بول سکھي کيوں نٹ کھٹ سکھياں کيوں چھيڑيں مجھ کو؟
پگلي تو نے بھيد انہيں بتلايا ہوگا

بول سکھي منڈير پہ کاگا کيوں بولے ہے؟
پگلي تيرے در پر جوگي آيا ہوگا

بول سکھي وہ بن ٹھن کر کيوں نکلا گھر سے؟
پگلي بيرن سوتن نے بلوايا ہوگا