درد منت کش دوانہ ہوا
ميں نہ اچھا ہوا برا نہ ہو

جمع کرتے ہوں کيوں رقيبوں کو
اک تماشا ہوا گلا نہ ہوا

ہم کہاں قسمت آزمانے جائيں
تو ہي جب خنجر آزمانہ ہوا

کتنے شيريں ہيں تيرے لب کہ رقيب
گالياں کھا کر بے مزا نہ ہوا

ہے خبر گرم ان کے آنے کي
آج ہي گھر ميں بوريا نہ ہو

کيا وہ نمرود کي خدائي تھي؟
بندگي ميں مرا بھلانہ ہوا

جان دي دي ہوئي اسي کي تھي
حق تو يوں ہے کہ حق ادا نہ ہوا

زخم گردب گيا لہو نہ تھما
کام گر رک گيا روا نہ ہوا

رہزني ہے کہ دلستاني ہے؟
لے کے دل، دلستاں روا نہ ہوا

کچھ تو پڑھيئے کہ لوگ کہتے ہيں
آج غالب غزل سرا نہ ہوا