ہم ہيں مشتاق اور وہ بيزار
يا الہي يہ ماجرا کيا ہے

ميں بھي منہ ميں زباں رکھتا ہوں
کاش پوچھو کہ مدعا کيا ہے

جب کہ تجھ بن نہيں کوئي موجود
پھر يہ ہنگامہ اے خدا کيا ہے

يہ پري چہرہ لوگ کيسے ہيں
غمزدہ و عشو و ادا کيا ہے

سبزہ و گل کہاں سے آئے ہيں
ابر کيا چيز ہے ہوا کيا ہے

ہم کو ان سے وفا کي ہے اميد
جو نہيں جانتے وفا کيا ہے

ہاں بھلا کر ترا بھلا ہوگا
اور درويش کي صدا کيا ہے

جان تم پر نثار کرتا ہوں
ميں نہيں جانتا دعا کيا ہے

ميں نے مانا کہ کچھ نہيں غالب
مفت ہاتھ آئے تو برا کيا ہے