دوست غمخواري ميں ميري سعي فرمائيں گے کيا
زخم کے بھرنے تلک ناخن نہ بڑھ جائيں گے کيا

بے نيازي حد سے گزري بندہ پرور کب تلک
ہم کہيں گے حال دل، اور آپ فرمائيں گے کيا

حضرت ناصح گرآئيں، ديدہ دل فرش راہ
کوئي مجھ کو يہ تو سمجھا دو کہ سمجھائيں گے کيا

آج واں تيغ و کفن باندھے ہوئے جاتا ہوں ميں
عذر ميرے قتل کرنے ميں وہ اب لائيں گے کيا

گر کيا ناصح نے ہم کو قيد اچھا يں سہي
يہ جنون عشق کے انداز چھٹ جائيں گے کيا

خانہ زاد زلف ہيں، زنجير سے بھاگيں گے کيوں
ہيں گرفتار وفا زنداں سے گھبرائيں گے کيا

ہے اب اس معمورے ميں قحط غم الفت اسد
ہم نے يہ مانا کہ دلي ميں رہيں، کھائيں گے کيا؟