يقينا يہ حقيقت ھے بصد مشکل بدلتے ھيں
مگر اھل محبت ھر حد فاصل بدلتے ھيں

طلب اور جستجو دونوں ميں کچہ ايسي لطافت ھے
کہ ھم ھر گام پہ اندازہ منزل بدلتے ھيں

يہ کيسا دور ھے يارب سمجہ ميں کچہ نہيں آتا
کہ اب انصاف کو ھر فيصلہ قاتل بدلتے ھيں

خدا جانے کہاں کيا کچہ ملے اور کون مل جائے
تجسس کي قسم ھر ھر قدم منزل بدلتے ھيں

سنائيں کون سے انداز سے ھم داستاں اپني
وھ گر ھونے بھي لگتے ھيں کبھي قائل، بدلتے ھيں

يقينا خالق فطرت بھي کچہ تو سوچتا ھوگا
جب اھل دہر معيار حق و باطل بدلتے ھيں

سياست نام ھے جمہوريت کے ھرتماشے کا
امام جہل آجاتےھيں جب فاضل بدلتے ھيں

کراچي کي فضاؤ نے ہميں سمجہا ديا آخر
کہ خنجر رھتا ھے مگر قاتل بدلتے ھيں

بصارت اور ھوس دونوں ميں اکثر ربط ھے ذاکر
مگر اھل بصيرت کب مذاق دل بدلتے ھيں