ہم ہوئے تم ہوئے کہ مير ہوئے
اس کي زلفوں کے سب اسير ہوئے

جن کي خاطر کي استخوان شکني
سو ہم ان کے نشان تير ہوئے

نہيں آتے کسو کي آنکھوں ميں
ہو کے عاشق بہت حقير ہوئے

آگے يہ بے ادائياں کب تھيں
ان دنوں تم بہت شرير ہوئے

اپنے روتے ہي روتے صحرا کے
گوشے گوشے ميں آب گير ہوئے

ايسي ہستي عدم ميں داخل ہے
نے جواں ہم نہ طفل شير ہوئے

ايک دم تھي نمود بود اپني
يا سفيدي کي يا اخير ہوئے

يعني مانند صبح دنيا ميں
ہم جو پيد اہوئے سو پير ہوئے

مت مل اہل دول کے لڑکوں سے
مير جي ان سے مل فقير ہوئے