لب ترے لعل عناب ہيں دونوں
پر تمامي عتاب ہیں دونوں

رونا آنکھوں کا روئيے کب تک
پھوٹنے ہي کے باب ہيں دونوں

ہے تکليف نقاب دے رخسار
کيا چھپيں آفتا ہيں دونوں

تن کے معمورہ ميں يہي دل و چشم
گھر تھے دو، سو خراب ہیں دونوں

کچھ نہ پوچھو کہ آتش غم سے
جگر و دل کباب ہيں دونوں

سو جگہ اس کي آنکھيں پڑتي ہیں
جيسے مست شراب ہيں دونوں

پائوں ميں وہ نشہ طلب کا نہيں
اب تو سر مست خواب ہيں دونوں

ايک سب آگ ايک سب پاني
ديدہ و دل عذاب ہيں دونوں

بحث کاہے کو لعل و مرجاں سے
اس کے لب ہيں جواب ہيں دونوں

آگے دريا تھے ديدہ تر مير
اب جو ديکھو سراب ہيں دونوں