الٹي ہوگئيں سب تدبيريں کچھ نہ دوا نے کام کيا
ديکھا اس بيماري دل نے آخر کام تمام کي

عہد جواني رو رو کاٹا پير ميں ليں آنکھيں موند
يعني رات بہت تھے جاگے صبح ہوئي آرام کي

حرف نہيں جاں بخشي ميں اس کي خوابي اپني قسمت کي
ہم سے جو پہلے کہ بھيجا سو مرنے کا پيغام کي

ناحق ہم مجبوروں پر يہ تہمت ہے مختاري کي
چاہتے ہيں سو آپ کريں ہيں ہم کو عبث بد نام کي

سارے ينداد باش جہاں کے تجھ سے سجود میں رہتے ہيں
بانکے ، ٹيڑھے ترچھے ، تيکھے ، ساب کا تجھ کو امام کي

مرزو ہم سے بے ادبي تو وحشت میں بھي کم ہي ہوتي
کوسوں اس کي اور گئے پر سجدہ ہر ہر گام کي

کس کا کعبہ، کيسا قبلہ، کون حرام ہے ، کيا احرام ہے
کوچے کے اس باشندوں نے سب کو يہيں سلام کي

شيخ جو ہے مسجد ميں ننگا، رات کو تھا ميخانے ميں
جبہ، خرقہ، کرتا، ٹوپي، مستي ميں انعام کي

کاش اب برقعہ منہ سے اٹھا دے ، ورنہ پھر کيا حاصل ہے
آنکھ مندے پر ان نے گو ديدار کو اپنے عام کي

ياں کے سپيد وسيہ ميں ہم کو دخل جو ہے سو اتنا ہے
رات کو رو رو صبح کيا اور دن کو جوں تو شام کي

صبح چمن میں اس کو کہیں تکليف ہوائے آئي تھي
رخ سے گل کو مول ليا قامت سے سرو غلام کي

ساعد سيميں دونوں اس کے ہاتھ ميں لا کر چھوڑے ديئے
بھولے اس کے قول و قسم پر ہائے خيال خام کي

کام ہو جائے سارے ضائع ہر ساعت کي سماعت سے
استغا کي چوگني ان نے جوں جوں ابرام کي

ايسا آ ہوئے رم خوردہ کي وحشت کھوني مشکل تھي
سحر کيا ، اعجاز کيا، جن لوگوں نے تجھ کو رام کي

مير کے دين و مذہب کو اب پوچھتے کيا ہو ان نے تو
قشقہ کھينچا ، دير ميں بيٹھا ، کب کا ترک اسلام کي