دل ميں اس شوخ کے جو راہ نہ کي
ہم نے بھي جان دي پر آہ نہ کي

تھا بہت شوق وصل تو نے تو
کمي اے حسن تاب کاہ نہ کي

ميں بھي کچھ خوش نہيں وفا کر کے
تم نے اچھا کيا نباہ نہ کي

محتسب يہ ستم غريبوں پر
کبھي تنبيہ بادشاہ نہ کي

گريہ و آہ بے اثر دونوں
کس نے کشتي مري تباہ نہ کي

تھا مقدر ميں اس سے کم ملنا
کيوں ملاقات گاہ گاہ نہ کي

ديکھ دشمن کو اٹھ گيا بے ديد
ميرے احوال پر نگاہ نہ کي

مومن اس ذہن بے خطا پر حيف
فکر آمرزش گناہ نہ کي