کچھ نہ تھا شوخي رفتار صبا کا حاصل
نکہت گل کي پھواروں پہ کڑے پہرے تھے
چپمپئ بيل کے سيال نمو پر قدغن
سرو سوسن کي قطاروں پہ کڑے پہرے تھے
حلقہ برق ميں ارباب گلستاں محبوس
دم بخود راہ گزروں پہ کڑے پہرے تھے
دفعتا شور ہوا ٹوٹ گئيں زنجيريں
زمزمہ ريز ہوئيں مہر بلب تصويريں
دو گھڑي کيلئے گھر گھر ميں چراغاں سا ہوا
جيسے ضو کاري انجم پہ کوئي قيد نہين
گھنگرياں باندھ کے پيروں ميں صبا اٹھلائي
جيسے انداز ترنم پہ کوئي قيد نہيں
يہ فقط خواب تھا اس خواب کي تعبير بھي ہے
شہر گل ميں کوئي ہنستي ہوئي تصوير بھي ہے