وہ سامنے تھا پھر بھي کہاں سامنا ہوا
رہتا ہے اپنے نور ميں سورج چھپا ہوا

اے روشني کي لہر کبھي تو پلٹ کے آ
تجھ کو بلا رہا ہے دريچہ کھلا ہوا

سيراب کس طرح ہو زميں دور دور کي
ساحل نے ہے ندي کو مقيد کيا ہوا

اے دوست چشم شوق نے ديکھا ہے بارہا
بجلي سے ترا نام گھٹا پر لکھا ہوا

پہچانتے نہيں اسے محفل ميں دوست بھي
چہرہ ہو جس کا گرد الم سے اٹا ہوا

اس دور ميں خلوص کا کيا اے شکيب
کيوں کر چلے بساط پر مہر پٹا ہوا