|
|
| کارٹون |
محمد شجاع دبے پائوں کمرے ميں داخل ہوا، کمرے ميں ہميشہ کي طرح
اندھيرا ايک لمحے کيلئے اسے خيال آيا کہ بتي جلائے مگر پھر اس خيال سے کہ بابا کو
روشني سے وحشت سي ہوتي ہے اس نے اپنا ارادہ ترک کرديا، بابا ہميشہ کي طرح چار پائي
پر بيٹھا سر جھکائے زمين کو تک رہا تھا، کندھوں پہ سفيد سوتي چادر کو ڈھکتي ہوئي
چار پائي کے کناروں کو چھو رہي تھي، کمرے ميں کہنے کو ايک گہري خاموشي تھي مگر
ماحول ميں سکون کم وحشت زيادہ تھي، ايسي وحشت جو کسي کے مرنے سے پہلے يا فورا بعد
ہوتي ہے۔
محمد شجاع کے بابا کے قريب آيا اور اس کي چار پائي کے قريب اکڑوں ہو کر بيٹھ گيا
اور پھر اس نے آستہگي سے بابا کے جھڑيوں بھرے کانپتے ہوئے ہاتھوں پر اپنے دونوں
ہاتھ رکھ دئيے، بابا ميري مدد کرو نا وہ آہستہ سے بڑبڑايا، ديکھونا بابا ميں کتنا
پريشان ہوں، يہ مجھے کيا ہوگيا ہے، کيسي عجيب سي بيماري مجھے لگ گئي ہے، جس کا علاج
کسي حکيم کسي ڈاکڑ کے پاس نہيں، اور جب بھي ميں کسي سے اس کا تذکرہ کرتا ہوں تو لوگ
مجھ پہ ہنستے ہيں وہ سمجھتے ہيں کہ ميں ان سے مذاق کر رہا ہوں، بابا مگر تم تو ميرے
باپ ہونا، تم تو مجھے بچپن سے جانتے ہو، اب تو ميں بھي پچاس برس کا ہوچلا ہوں، ميرے
ساتھ ايسا کيوں ہورہا ہے، تمھيں پتہ ہے، بابا محمد شجاع نے اپنے باپ کے کان ميں
سرگوشي کي، ميرے اندر ايک کارٹون رہتا ہے، ہاں بابا ايک کارٹون، جيتا جاگتا کارٹون،
ناچتا گاتا، اچھلتا پھانگتا، منہ چڑانے والا کارٹون۔ |
|
اگلا صفحہ |
(1) |
پچھلا صحفہ |
|
 |
