|
|
| فرشتے کے
آنسو |
فرشتے نے خالي نظروں سے اس لڑکي کو ديکھا جو پچھلے اکسي سال سے جان کني کي حالت ميں
بستر پہ پڑي تھي۔۔۔۔۔۔لمحے بھر ميں فرشتے کو لگا جيسے ہوا کا ياک تيز جھونکا کھڑکي
کے پردے کو اڑاتا ہوا آيا اور لڑکي کي نوشت کو ماضي ميں دکھيل گيا۔۔۔۔۔قرطاس کے پتے
پلٹتے چلے گئے، کمرے کي نگارش بدلتي چلے گئ۔
ايک خوبصورت سي چھ سال کي بچي اپني ماں کي گود ميں سر رکھے بخار ميں پھنک رہي تھي،
اس کي رنگ برنگي مسہري پہ کھدے خوشنا پھول اداس نظروں سے اسے تک رہے تھے، وہ ڈري
ڈري خوفزدہ نظروں سے اپني ماں کي طرف ديکھ رہي تھي اور تتلا تتلا کر منتين کر رہي
تھي، اماں مجھے بہت ڈر لگ رہا ہے، مجھے اکيلا نہ چھوڑنا۔۔۔۔اور اس کي سہمي ہوئي
اماں اسے روتے ہوئے گلے سے لگا کر کہ رہي تھي۔۔۔۔نہيں ميري بچي۔۔۔کبھي نہيں۔۔۔۔۔اور
پھر فرشتے نے ديکھا کہ جان کني کي حالت ميں پڑي بيٹي جيسے وہيں ٹھير سي گئي، جن
سانسوں کو اکھڑنا تھا وہ نہيں اکھڑي۔۔۔۔وہ زندہ تو رہي مگر چپ چاپ آنکھيں موندے ايک
انجان گہري نيند ميں چلے گئي۔۔۔۔مان نے روتے ہوئے اپني پياري بيٹي کے کانوں ميں
کتنا ہي چيخا تھا مگر آوازيں جيسے باز و گشت بن گئيں اور پھر ہر آواز اسي گونج سے
لوٹ کر اسے واپس آنے لگي۔
اس کے آس پاس کھڑے ہوئے طبيب اسے سمجھاتے تھے، تمہاري بيٹي
Locked in Syndrome ميں ہے کہ وہ زندہ تو ہے مگر اسکا دماغ مرچکا
ہے، عجيب موت ہے، وہ جس دل ميں بھي دھڑکتا تھا سانس بھي چلتي تھي، آنکھيں ديکھتي
بھي تھي، روتي بھي تھي اور ہنستي بھي تھيں۔۔۔مگر۔۔ہونٹ چپ تھے اور جسم بے جان تھا،
فرشتے نے خالي خالي نظرون سے اپنے اندر کو ٹٹولا مگر وہاں سوائے قلم و دوات کہ کچھ
بھي نہيں تھا۔۔۔۔۔ اس نے چپکے سے مصلحت رب الکريم کے آگے سرنگوں کرليا اور سرنوشت
کے پتے پلٹنے لگا، دن مہينوں ميں بدلنے لگے اور سالوں ميں۔۔ماں روز صبح اٹھتي، اپني
بيٹي کا منہ گرم پاني کے تولئيے سے صاف کرتي، اس کے بال سنوارتي، پيٹ ميں لگي
مصنوعي نالي سے اس کے جسم ميں غذا اتارتي، انسولين کے ٹيکے لگاتي، ہر دو گھنٹے بعد
اس کي کروٹ بدلتي، روزانہ اسکا بدن دھلاتي۔
|
|
اگلا صفحہ |
(2) |
پچھلا صحفہ |
|
 |
