|
|
| گدھ |
جوانئي سولہ سال چھوئے بغير ہي کسي بھپرے ہوئے بھينسے کي طرح رسياں
روڑوا کر لڑنے مارنے کو سينگيں اچھالتي تھي، مگر لاجي صرف لڑکي تو نہيں تھي، وہ ايک
دہکتي ہوئي آگ تھي، جس کي آنچ سے بھيگي ہوئي لکڑيوں ميں بھي دھواں اٹھنے لگتا تھا،
اور پھر لاجي کي کجراري آنکھيں۔۔۔ايسي آنکھيں۔۔۔جو نہ صرف ديکھتي تھيں۔۔۔بلکيں
بولتي بھي تھيں، دھلي دھلي شفاف آنکھيں۔۔۔۔جو ديکھنے والوں کے دل کا سارا حال چپکے
سے انہيں کہہ ڈالتي تھيں۔۔۔۔۔بلوري بلوري چمکتي ہوئي آنکھيں۔۔۔جو ديکھنے والوں کے
عکس کو اس پيار سے اپنے آپ ميں سماليتي کہ کچھ دير کيلئے تو ان کے دل کي دھڑکن ہي
تھم جاتي اور پھر وہ خود ہي کو اس کي جھيل جيسي آنکھوں ميں ڈوبتاپا کر شرما شرما
جاتے، ايسے ميں لاجي خوب ہي کھلکھلا کر ہنستي، اور اس کي سريلي آواز پہاڑوں پر گرتے
جھرنے کي طرح ايسے سريلے نغمے بن کر گنگناتي کہ مسافر بھي گھروں کے راستے بھولنے
لگتے۔
پھر نہ جانے کيس کب ہوا، بس آنکھ کھلي تو لاجي رجو بائي کے بالے خانے ميں پڑی سسک
رہي تھي، زبان گنگ، چہرہ فق اور آنسو جيسے ساون کي جھڑي کي طرح اس کے گالوں کو دھو
رہے تھے، رجوبائي سامنے کھڑی ہوئي اس کو للچائي نظروں سے تک رہي تھي، ہائے يہ تو
ريشم جيسا مال ہے رے، رجو بائي منہ ميں پاني بھر کر بولي، پھر منہ بولي رقم دلال کر
تھما کر اس کو چلتا کيا اور دروازہ بند کرے لاجي کے سامنے اکھڑوں ہي بيٹھ گئي، اے
يہ تو پورا سونے کا لڈو ہے، گاہکوں کيلئے جيسے چکن روسٹ، رجوبائي نے لاجي کے سرخ
دہکتے گالوں کو کسي قصاب کي طرح سے چھوا، لاجي کو لگا جيسے رجوبائي نے اپنے زہريلے
ناخن اس کے گالوں ميں اتار دئيے ہو، لاجي کسي حلال ہوتے ہوئے بکرے کي طرح اپنے
نرخرے سے درد ناک آوازيں نکلا کر چيخنے لگي، رجوبائي نے جھلا کر لاجي کي گردن ايک
ہاتھ سے پکڑي اور دوسرا ہاتھ اس کے منہ پر رکھ کر اس کي وہشتناک چيخيں روکنے کي کوش
کرنے لگيں۔۔۔لاجي کو لگا جيسے رجوبائي اس کا گلاگھونٹ رہي ہو اس نے اپني روتي ہوئي
سرخ انگارہ آنکھوں سے کچھ اس طرح سے رجو بائي کو ديکھا کہ نہ جانے کيوں رجو بائي
لمحے بھر کيلئے کانپ سي گئ، پل بھر کے لئيے رجو بائي کو لگا جيسے لاجي کي آنکھوں
ميں ايک زندہ گوشت کھانے والا گدھ ہے جو لاجي کي بوٹياں نوچنے کيلئے اپني چونچ اس
کے جوان جسم ميں گاڑ رہا ہے۔۔۔۔رجو بائي نے ڈوبتے ہوئے دل سے لاجي کي آنکھوں سے
اپني نظر ہٹالي اور اس کي گردن چھوڑ کر خود کو زور سے ماں کي گالي دي اور پھر بالے
خانے کا دروازہ جھٹکے سے کھول ديا۔ |
|
اگلا صفحہ |
(2) |
پچھلا صحفہ |
|
 |
