لے جا۔۔۔تاجامال ہے، ايک ايک بوٹي مجے دار، کراري اور خستہ۔۔۔۔ديکھ پٹ ديکھ۔۔۔۔ ہے نا سلگتا ہوا پٹاخہ۔۔۔سينہ ديکھ۔۔۔دانتوں ميں پھنس جائے ماں قسم ايسي بوٹياں ہيں۔۔۔ سو بوريوں ميں ايک دانہ جو ايسا چوکس مل جائے۔۔۔اچھا۔۔۔تو ہي بول کيا دے گا۔۔۔کيا کہا۔۔۔سالے چہيچڑے خريدنے آيا ہے کيا۔۔۔۔ چل نکل يہاں سے۔۔۔۔رجو بائي نے گاہک کو ماں کي گالي دي اور بالے خانہ کا دروازہ ايسے زور سے بند کيا کہ چوکھٹ پر بجنے والي آواز گاہک کے کانوں ميں دير تک گونجتي رہي۔
رجو بائي چمن آباد ميں پچھلے بائيس سال سے عورتوں کا دھندہ کررہي ہے، کتنے ہي بردہ فروش اس کے سامنے لنگوٹ کس کر اترے مگر مجال ہے جو کسي بھي پہلوان کے سامن اس کي سانس ٹوٹي ہو، اس کا مال ہميشہ دھلے ہوئے آلوں کي طرح بوري سے چم چم چمکتا ہوا اس طرح سے نکلتا کہ گاہک کے منہ سے کلي کلي پاني چھلکنے لگتا، ايسا ميٹھا اور رس بھري شکر قند جيسا مال کہ زرا سے ابال سے ہي گاہک کي سوکھي مري انتڑيوں ميں بھي جيسے آگ دہک جاتي اور  جو اگر ايک ادھ آلو مٹر گلا نکلتا بھي تو مجال ہے، جو بائي گاہک کے سامنے بھي اسے لاتي، وہ بس اسے اپني ہي تقدير کا کھوٹا مال سمجھ کريا تو يتيم بے سہارا عورتوں کے کسي بھي دارولامان ميں پھينک آتي يا پھر اوپر کے کاموں کيلئے بالے خانے ميں ہي روک ليتي، رجو بائي دھندا کرنے بيٹھي تھي وہ تو ايک ہي نظر ميں گاہک کي آنکھوں سے ٹپکتي بھوک سے اس کي جيب کے بھرے ہوئے پيٹ کا اندازہ لگا ليتي تھي مگر پھر بھي جو کبھي اس کي نظر چوکتي اور کوئي سڑے ہوئے مال کي طرح کا گاہک بالا خانے پر منڈالاتو تو پھر وہي۔۔۔۔۔ايک ماں کي گالي زور سے گونجتي اور پھر چوکھٹ پر دروازہ بجتا۔
اس لڑکي کا نام لاجي تھا، پٹھان کوٹ کي تھي، گال قندھاري سيب اور ہونٹ لال انگور جيسے تھے، چال جنگلي ہرني جيسے، محلےبھر ميں قلانچے بھرتي پھرتي تھي۔