|
|
| لفظ جو طوائف بن گئے |
اور جب وہ جوان ہوئي تو کافي عرصے تک خود کو آئينے ميں ڈھونڈتي رہي۔۔۔۔کوئي چاند
چہرہ، کوئي ستارہ آنکھيں، کوئي سروقد، کوئي چمپئي رنگت، کوئي جو مسکرائے تو ديکھنے
والوں کي آنکھوں ميں نشہ سا چھا جائے، کوئي جو اٹھلائے تو جاتي ہوئي بہار کے بھي
قدم ڈگمگا جائے۔۔۔۔۔آہ مگر ايسا تو کوئي بھي آئينے ميں نہيں تھا۔۔۔۔بس ايک چيچک زرہ
سياہ چہرہ اور دو بجہتے ديے جيسي آنکھيں۔۔۔۔پہلے پہل تو وہ سمجھي شايد آئينے کا زنگ
ہوگا مگر پھر اچانک اسے لگا۔۔۔۔يہي وہ ہے۔۔۔يہي ہے جس کے ساتھ ساري زندگي کا نباہ
کرنا ہے۔۔۔۔۔ہنستے ہوئے ياروتے ہوئے۔۔۔۔۔يہ جان کر وہ زور سے ہنسي اسے لگا جيسے اس
کے منہ سے نکلنے والي قہقہوں کي آوازيں کسي اندروني کرب ميں سلگ کر گھٹي گھٹي چيخوں
ميں بدل گئي ہو۔
اور پھر دن گزرتے گئے، وہ جب جب آئينے سے دور رہتي خود کو اوروں کي طرح ہي سمجھتي
مگر جو نہي آئينے سے ملتي پھر وہي بھيانک عورت آئينے سے نکل کر اس کے گلے لگ جاتي،
وہ لاکھ دامن چھٹراتي مگر سچائي جيسے چيچک زدہ دانوں کي طرح اس کے چہرے پر اگنے
لگتي پھر وہ قہقوں کي آوازيں گونجنے لگتيں، پھر وہي بلکتي ہوئي گھٹي گھٹي چيخيں
نکلنے لگيتں۔ |
|
اگلا صفحہ |
(1) |
پچھلا صحفہ |
|
 |
