|
|
| شکوہ |
کچھ نہيں بس يونہي خيال آيا تھا اور برش کنيوس پر چلتا چلا گيا،
رنگ پر رنگ چڑھنے لگا اور خالي خولي ليکريں زندگي کا مزا چکھنے لگي، کچھ ہي دير ميں
بے جان کينوس جيسے زندگي کا روپ پانے لگا، ايک لکير جو ترچھي پڑي تو اجاڑ شاخوں پر
پھول کھل گئے، ايک لکير جو آڑي پڑي تو انجان راستوں پر قدموں کے نشاں بن گئے،
کہيں ، دہکتا ہوا سورج جلنے لگا اور کہيں چاند شرمانے لگا، وقت بھي اپنے حصے کا برش
پھر گيا اور کينوس صبح و شام کے رنگوں سے سجنے لگا، ديکھتے ہي ديکھتے ايسي تصوير
بني کہ خود برش بھي کينوس سے شرمانے لگا۔
آرٹ گيلري ميں وہ چپ چاپ کھڑا ہوا سفيد بالوں والا بوڑھا آرٹسٹ پہلے تو تصوير کو
تکتا رہا جيسے خود کو بنائے ہوئے شاہکار کو نظروں ميں تو رہا ہو مگر جلد ہي اسے يوں
لگا جيسے اس کا دل کسي انجانے خيال سے بھر آيا ہو، کچھ ہي دير ميں اسکي نظروں ميں
تصوير دھندلانے سي لگي اور پھر جيسے تصوير کا ہر ايک رنگ اس کي ذات ميں جذب ہوتا
چلا گيا۔۔۔يہي وہ چند لمحے تھے کہ جب وہ بوڑھا آرٹسٹ اپنے آپ سے بے گانہ ہو گيا،
تصوير اس ميں شامل ہوگئي اور وہ تصوير ميں شامل ہو گيا۔
اور پھر اس بوڑھے آرٹسٹ کو يوں لگنے لگا جيسے کينوس پر اس کي کھينچي ہوئي آڑي
ترچھي لکيريں، اس کي بنائي ہوئي رنگوں کي بہاريں اور زندگي کي صبح وشام ميں، سب ہي
اس سے غم ناک فغائوں سے فرياد کر رہي ہيں۔۔۔۔۔اسے يوں لگا کہ جيسے وہ بلک بلک کر
رورہي ہيں اور اس سے پوچھ رہي ہيں۔۔۔ |
|
اگلا صفحہ |
(1) |
پچھلا صحفہ |
|
 |
