|
|
| ڈراکيوالا |
ميں ہر بار تمہارے گھر کي الگني پر گيلے کپڑے کي طرح ٹنگي رہي، ميرے لئے مٹھي مٹھي
بھر دھوپ لاتے تھے، اور ميں ميں تھي، برف جيسي يخ۔۔۔۔دھوپ تمہاري ميٹھيوں سے جھر
جھر جاتي تھي۔۔۔۔سوکھتي کيسے ميں۔۔۔۔؟تمہارے ہي گھر کي الگني پر ٹنگي رہي، دکھ دينے
کيلئے تمہيں، وہ کچھ ايسا ہي سوچ تھي، اپنے بارے ميں۔۔۔۔۔وہ يعني، صوفيہ مشتاق
احمد۔۔۔اسے اپنے بارے ميں کچھ بھي سوچنے کا حق حاصل تھا، جيسے يہ کہ راتيں کيوں
ہوتي ہيں؟ جيسے يہ آسمان پرٹمٹماتے ستاروں ميں، اس کي بھولي بسري عمر کيسے سماجاتي
ہے، جيسے يہ کہ صبح کيوں ہوتي ہے، سورج کيوں نکلتا ہے، دھوپ سے زندگي کا کيسا رشتہ
ہوتا ہے۔۔۔۔۔؟
قارئين مجھے احسا ہے کہ ميں نے کہاني غلط جگہ شروع کردي ہے، اور يہ کوئي نئي بات
نہيں ہے، ايسا ميرے ساتھ اکثر ہوتا ہے، مگر پيارے قارئين، مجھے اس بات کا اعتراف
کرلينے ديجئے، کہ مجھے اس کہاني کے کرداروں سے ملنے، سے قبل تک مجھے اس بات کا
احساس نہيں تھا اور يقين جانيے اس کہاني کے کرداروں سے ملنے سے قبل تک مجھے
اس بات کا احساس تک نہيں تھا، کہ زندگي سے جڑي بے حد معمولي سچائياں اتني تلخ، اتني
سنگين بھي ہوسکتي ہيں۔۔۔۔۔مجھے بھي يہ احساس ہے کہ آج کے عہد ميں جس کے بارے ميں
يہاں تک کہا جاتا ہے کہ اس سے زيادہ مہذب ترين دنيا کا کوئي تصور جارج بش کے بارے
ميں بھي نہيں ہے۔۔۔۔اور نيو کليائي ہتھياروں کي انسانوں کے قتل عام کي اس سے بدصورت
مثال شايد تاريخ کے بے رحم صفوں پر بھي مشکل سے ہي ملے گي ۔۔مجھے احساس ہے کہ
انساني بم، جينوم، کلوننگ اور نيوٹکنالوجي کے اس عہد ميں آپ کو ايک ايسي کہاني
سنانے جارہا ہوں، جس پر چوتھي دنيا کے مہذب ترين لوگ شايد ہي بھروسہ
کرسکيں۔۔۔۔انسانوں کو غلام بنانے والي کہانيوں اور غلاموں سے کيڑے مکوڑوں سے بھي
زيادہ بدترين سلوک کي قنتاسياں ، معاف کيجے گا، لوگ بھولے نہيں۔۔۔۔تاريخ کے صفحات
اذيت اور جبر کي مثالوں سے بھرے پرے ہيں۔۔۔۔ليکن يقين جانئے ميں ايسي کوئي رس بھري
، لذیذ داستان آپ کے سامنے رکھنے نہيں آيا۔۔۔۔۔اور آپ ہنسيں گے، يقينا آپ کو ہنسنا
چاہيے۔۔۔۔کہ خود کو مہذب ثابت کرنے کي ريس ميں اگر آپ کو کوئي ايسا قصہ سنايا جائے
کہ عظيم طاقتوں ميں سے ايک بننے جارہے ملک ہندوستان سن،2005 ميں ايک مسلمان لڑکي
اپني شادي کيلئے، شاہزادوں، کا انتظار کرتے کرتے تھک گئي اور اچانک ايک دن اس نے
ايک تنہا اداس کمرے ميں۔۔۔۔آسيبي داستانوں کے مشہور زمانہ کردار ڈراکيولا کو ديکھ
ليا۔۔۔۔تو چونکئے گا مت۔
اور يقين جانئيے ہماري اس کہاني کي کردار صوفيہ مشتاق احمد کے ساتھ يہي ہوا۔۔۔۔۔
آدھي رات کا گجر بج چکا تھا، کمرے ميں زيرو پاور کا بلب جل رہا تھا، باہر خوفناک
آندھياں چل رہي تھيں، پتے سرسرا رہے تھے، باہر کوئي جنگل نہيں تھا، پھر بھي
چمگادڑوں، بھيڑيوں، الو اور طرح طرح کي خوفناک آوازيں را کے پر اسرار سناٹے کو اور
بھي زيادہ خوفناک بنارہي تھيں اور يقينا يہ دستک کي آواز تھي۔۔۔۔۔نہيں کوئي تھا، جو
ديواروں پر رينگ رہا تھا۔۔۔۔کيا ويمپائر ۔۔۔؟اف ، خوفناک آوازوں کا ريلا جسم ميں
دہشت کا طوفان برپا کرنے کيلئے کافي تھا، سہمي ہوئي سي وہ اٹھي، بدن ميں کاٹو تو
خون نہيں۔۔۔۔۔۔وہ اٹھي اور تھر تھراتي، کانپتي کھڑکي کي طرف بڑھي، لڑکھراتے کانپتے
ہاتھوں سے کھلي کھڑکي کے پٹ بند کرنے چاہے، تو ايک دم سے چونک پڑي۔۔۔۔کوئي تھا جو
ديواروں پر چھپکلي کي طرح رينگ رہا تھا، اف، اس |
|
اگلا صفحہ |
(1) |
پچھلا صحفہ |
|
 |
