سونامي لہريں تاريخ لکھ گئي ہيں ۔۔يہ ايک حقيقت ہے۔ ليکن يہ طے ہے موسيو کو زلزلے کي پيشن گوئي نہیں کي جا سکتي ۔۔پرويز پروفيسر کے انداز ميں ٹھر ٹھر کر بول رہا تھا۔ذرا غور کيجئے، سمندر کے کنارے رہنے والے مچھواروں کو پتہ ہو کہ سونامي آنے والي ہے تو کيا وہ سمندر میں جانے کي ہمت کريں گے۔۔موسيو۔۔؟آہ نہيں۔۔۔لہريں دس ميٹر سے بھي زيادہ اونچائي تک اٹھ گئيں۔ اور جيٹ رفتار سے ان لہروں نے انساني آبادي کي طرف دوڑ لگائي۔ موسيو، بس ايک ذرا تصور کريں آپ۔۔

شي۔۔وہ۔۔سيما نے ہونٹوں پر انگلي رکھي۔۔ذرا۔۔آواز سننے کي کوشش کرو پرويز ۔۔کيا اس نے تصوير اتارلي ہے؟ کيا وہ حيرت زدہ ہے؟ آہ نہيں۔۔موسيو کمرے ميں دو کھڑکياں ہيں۔نہيں دو پينٹنگس۔۔ابھي کچھ دير پروفيسر کو وہيں رہنے ديجئے۔ آنکھيں چمکانے کے لئے ۔۔جيسے وہ حيران ہو رہا ہو کہ کھڑکي کہاں گئي۔۔ کھڑکي کي جگہ ديوار کہاں سے آگئي۔۔مگر ابھي وہ ہمت نہیں ہارے گا۔۔دوسري پينٹنگ ۔۔ٹھريئے موسيو۔۔ہم سونامي لہروں کي باتين کر رہے تھے۔۔سيما کي ہتھيلياں گرم اور چپ چپي ہو رہي تھيں۔۔پرويز دھيرے دھيرے اس کي ہتھيلياں سہلا رہا تھا۔۔

تو موسيو ہم سونامي لہروں کي باتيں کر رہے تھے۔۔اور کيا عجب کہ اگر وقت پر پيشن گوئي ہوگئي ہوتي۔۔آہ ہوگئي ہوتي ۔۔ميں کتنے امکانات چھپے ہيں موسيو۔۔اور کيا عجب کہ پروفيسر کو ذرا سا بھي اس سازش کا گمان ہو گيا ہوتا تو کيا عجب کہ وہ اس کمرے میں جاتا ہي نہيں۔ اور اگر جاتا تو اندر سے دروازہ بند نہيں کرتا اور آپ کو يہ موقع نہيں ديتا موسيو۔۔اور حقيقت يہ ہے کہ زلزلے کي پيشن گوئي کرنے کي کوئي ماڈرن ٹنکالوجي ہمارے پاس ہے ہي نہيں۔۔اور جبکہ سچائي يہ ہے موسيو ہم سب زميني زلزلے کي زد ميں ہيں۔کوئي بھي ايک بڑا جھٹکا ۔آہ ميں آپ کے چہرے پر خوف ہي خوف پڑھ رہا ہوں موسيو۔۔آور آہ۔۔۔

وہ ديواروں کو پيٹ رہا ہے۔۔سيمز ور سے چلائي۔۔تم نے آوازيں سنيں پرويز۔۔ذرا غور سے کان لگاؤ۔۔بالکل صاف۔۔اسے يقين ہوگيا ہے۔۔يہاں کھڑکي کا گزر نہيں ہے۔۔تو کيا اسے اپني آنکھوں پر يقين نہیں آئے گا۔۔؟

تم نے کمال ہوشياري سے وہي رنگ ان خالي جگہوں پر بھي استعمال کر ديا ہے، جو باقي ديواروں پر تھا۔ ہے نا موسيوں۔۔؟ وہ پروفيسر ايس ہے ۔۔اب وہ خالي جگہ اور باقي ديواروں کے رنگ کو ملانے کي کوشش کرے گا۔۔تم کہ سکتي ہو، کيا اس حال میں اس کا دماغ اس قدر کام کر سکے گا تو مير اجوا ہے۔۔

بالکل ۔۔کيونکہ ہال کافي بڑا ہے ۔۔اور يہ سچ ہے کہ پينٹنگ ہٹانے، اتارنے کے عمل اور وہاں ديوار ديکھنے کے بعد اس کے توقعات کو ايک بڑا جھٹکا ضرور لگے گا ۔۔تا ہم اتني جلدي وہ اپنے جينے کے امکانات کو سونے يا مرنے نہیں دے گا۔ ايک اور کوشش۔۔اس نے ديکھ ليا کہ وہ ديوار ہےممکن ہے وہ يہ بھي سوچ رہا ہو کہ کيا واقعي يہاں کبھي کھڑکي کي بھي تھي يا نہيں ۔۔يہ وہ لمحہ ہوتا ہے موسيو، جب آپ ايک تنگ کوٹھري ميں خود اپني ياد داشت کي الجھن کا شکار ہو جاتے ہين ۔ياد داشت کي الجھن ۔۔

کنفيوزن ۔۔کنفيوزن موسيو۔۔پروفيسر رک کر اس امر کو سمجھانے کي کوشش کرے گا کہ آيا کسي زمانے ميں  سچ مچ يہان کوئي کھڑکي تھي بھي يا نہيں ۔