چاند ديکھ گيا۔۔۔۔۔چاند دکھ گيا، کي صدا لگاتا دوڑتا، قمرو جھونپڑي
ميں داخل ہوا، اندر بيٹھي اس کي ماں قميض ميں پيورند لگا رہي تھي، اس نے اپني
ماں کي جھکي ہوئي گردن کو ٹھوڑي سے اٹھا کر قدرے معصوميت سے کہا، ماں۔۔۔۔ماں۔۔۔چاند
دکھ گيا، ماں نے خاموشي اور ايک ہلکي سي مسکراہٹ کے ساتھ اپنے اپنے بيٹے کي دي ہوئي
خبر وصول کي، قمرو کے پير ميں زخم تھا جس پر ماں نے اپنے پرانے کپڑوں ميں سے ايک
بہت ہي پرانے کپڑے کو جلا کر راکھ بنائي اور اسے قمرو کے زخم پر باندھ ديا، قمرو
اپني توتلي زبان ميں بہت کچھ کہتا جا رہا تھا ماں تھي کہ کسي اور سوچ ميں
گم۔۔۔۔۔قمرو پھر دوڑتا، لنگڑاتا اور صدا لگاتا جھونپڑي سے باہر نکلا اور اس کي آواز
اس جيسے دوسرے بچوں کے شور ميں مل کر گم ہوگئي۔
کل عيد تھي۔۔۔۔جھونپڑي ميں بيٹھي قمرو کي ماں نے خاموشي کو توڑتے ہوئے ايک آہ بھري
جيسے اپنے آپ سے کہہ رہي ہو کہ يہ عيد تو صرف فطرہ ادا کرنے والوں کي عيد ہے، فطرہ
لينے والوں کي عيد تو صرف فطرہ و صدقات وصول کرنے ميں ہي گزرجاتي ہے، اسے ياد آرہا
تھا کہ جب وہ ايک گھر ميں کام کيا کرتي تھي، وہاں عيد سے چند روز پہلے ہي عيد کي
تيارياں شروع ہوا کرتي تھيں، عيد پر تيار کيے جانے والے پکوانوں پر گھنٹوں بحث ہوا
کرتي تھي، اور نہ جانے کيا کيا، ان کے يہاں عيد سے پہلے بھي عيد منائي جاتي تھي اور
عيد کے بعد بھي۔۔ |
