شام کا دھند لکا اٹنے لگا، رات نے موقع پاتے ہي سياہ چادر تانني
شروع کردي۔پرندے اپنے گھونسلوں کو لوٹنے لگے۔ پروانوں کے جھنڈ کے جھنڈ نکل کر اڑنے
لگے، آج وہ پھر اپني اس مہم کي طرف اڑ چلے تھے۔جسے ان کے پرکھوں نے سرکيے
بغير ہي نسل در نسل ان تک منتقل کيا تھا۔
آخ کوئي نہ کوئي پروانہ شمع کو بھجا کر ہي لوٹے گا۔۔۔۔ ہاں ۔۔۔۔يہي ان کي مہم تھي۔
دراصل پروانے کو رات کي تاريکي عزيز ہوتي ہے اور شمع ہے کہ اس کي مطلوبہ تاريکي کا
پردہ چاک کر ديتي ہے، پراوانے کو اگر واقعي شمع سے عشق ہوتا تو وہ دن ميں بھي اس کے
گرد منڈلاتا نظر آتا۔ دن کے اجالے ميں آپ کتني ہي شمعيں جلا کر ديکھ ليں ايک بھي
پروانہ ڈھونڈ نے مل سکے گا۔
بات ہو رہي تھي مہم کي ، شمع کو بھجانے والي مہم کي جس کيلئے پروانے ايک نئے جوش کے
ساتھ نکلے تھے۔آج ان کا اڑنا ايک نئے انقلاب کي غمازي کر رہا تھا۔
ايک جگہ چند پروانے شمع کي لو سے طبع آزمائي کرتے پائے گئے، شمع جلتي رہي اور
پروانوں کو بھي جلاتي رہي، لوگ سمجھتے رہے کہ پھر کوئي داستان عشق رقم ہونے جارہي
ہے۔
رات کے آخري سرے تک يہ سب کچھ چلتا رہا، آخر کار رات نے تھک کر اپني سياہ چادر
کھينچ لي۔
سورج کي کرنيں روشني کے تيز رفتار گھوڑوں پر سوار ہو کر زمين تک پہنچنے لگيں،
شمع کو روشن کرنے والوں نے اب اس کي ضرورت محسوس نہ کي اور اسے بھجا ديا۔
بجھي ہوئي شمع کے گرد کئي بے پر۔۔۔۔اور۔۔۔۔بے جان پروانے بکھرے ہوئے پائے گئے، اس
منظر پر کچھ نئے اشعار کہے گئے۔ پوري پوري غزل کہي گئي۔شاعر کو ايک نئي زمين
ملي۔اديب کو ايک نيا پلاٹ ملا، شمع اور پروانے کي داستان عشق لکھي گئي۔
ليکن پس پردہ کہاني کچھ اور تھي۔۔۔۔مگر يہ بات وہي جانتے تھے جو جل گئے تھے۔
يا پھر وہ جانتي تھي۔۔۔۔جس نے انہيں جلا ديا تھا اور خاموش تھي۔ |
