|
شہر کي يہ بہت بڑي حويلي تھي، اس ميں رہنے والوں کے ذہن اتنے ہي
چھوٹے تھے، ساحرہ بہت چھوٹي تھي جب اس کے والدين ايک اسيکسڈينٹ ميں فوت ہوگئے اور
وہ اس کي آپي طاہرہ اپني دادي اماں يعني بي اماں کي نگراني ميں پلنے لگيں، تايا جان
کي کوئي اولاد نہ تھي اس ليئے ان کے دل ميں باپ جيسي شفقت بھي نہ تھي، ان کي
خونخوار آنکھيں ديکھ کر ہي دونوں کانپ جايا کرتي تھي، اور پھر جب ان کي چھري برستي
تو رکنے کا نام ہي نہ ليتي تھي، وہ لڑکيوں کي زيادہ آذادي کے قائل نہيں تھے، بڑي
پھپھو کے شوہر نشے کے عادي تھے لہذا وہ اپنے چھ عدد بچوں کے ساتھ حويلي ہي ميں
براجمان تھيں، انہوں نے کچھ اس طرح کي عادت پائي تھي کہ خود کبھي چين سے بيٹھي نہ
تھيں دوسروں کو بھي سکھ کا سانس نہ لينے ديتي تھيں، سب سے چھوٹي پھپھو شادي کے بعد
دبئي سيٹ ہوگئيں تھيں، باقي رہ گئے ايک چاچو جو بالکل ہي الگ طبعيت کے مالک تھے وہ
تو ان کے خاندان کے لگتے ہي نہ تھے،خوش اخلاق اور نرم دل رکھنے والے چاچو، وہ حويلي
ميں بہت کم رہتے تھے، ساحرہ شروع ہي سے شوخ لڑکي تھي اس دن بھي وہ سب بچوں کو جمع
کرکے کرکٹ کھيل رہي تھي، پہلي بار ميں اس نے زور دار چھکالگايا ليکن يہ کيا تو کيچ
ہوگيا اور پکڑنے والا ان کي ٹیم کا نا تھا، بلکہ يہ تو نويد بھائي تھے جو گيند ہاتھ
ميں پکڑے مسکرا رہے تھے، آئوٹ۔۔۔۔نومي نے زور زور سے آواز ميں احتجاج کيا ليکن
ساحرہ غصے سے پير پٹختي آگے بڑھتے ہوئے بولي، يہ بے ايماني ہے، نويد بھائي ہماري
ٹیم کے نہيں ہيں، ميں نہيں مانتي اس آئوٹ کو، آپ بتائيں نودي بھائي ميں ٹھيک
کہہ رہي ہو نا؟ ليکن نويد کي نظريں ساحرہ کے چہرے کا طواف کررہي تھيں، ساحرہ کو
پہلے بھي اس نے ديکھا تھا ليکن اتنے غور سے آج پہلي دفعہ ديکھ رہا تھا، وہ اس قدر
حسين ہوگي اس نے کبھي سوچا نہ تھا، آپ تو يہاں صرف چھوٹے چچا سے ملنے آتے تھے اور
وسيے بھي اس کے آنے پر کوئي پابندي کسي ہو سکتي تھي، وہ چھوٹي پھپھو کا ديور بھي
تھا، جواب ديں، نويد بھائي ايک تو ہمارا کھيل بگاڑ ديا، اور اب کچھ بول بھي نہيں
رہے، ساحرہ کي آواز سن کر وہ چونکا اور شرارت سے بولا بھئي اس کا جواب تو نومي صاحب
ہي ديں گے، آئوٹ آئوٹ سب بچوں نے مل کر کہنا شروع کرديا اور ساحرہ غصے سے بلا پھينک
کر نہ کھيلنے کا اعلان کرتے ہوئے کمرے ميں چلي گئي۔ |
