جيسے ہي بابر نے سردار رازق خان پر گولي چلائي اسي لمحے پوليس کي ايک وين جو پيچھے سے زوں زوں کرتي دوڑي چلي آرہي تھي رزاق خان کي لاش کے گرد لگے مجمع کے قريب آکر رک گئي۔ پوليس کا بے موقع پر ٹپک پڑنا  بابر کے منصوبے ميں شامل نہیں تھا۔ اس نے قتل کرنے کے لئے کوئي انوکھا طريقہ استعمال نہيں کيا تھا۔ سرديوں کي رات تھي اور اس نے اوڑھي ہوئي چادر کي اوٹ سے گولي چلا دي تھي۔ گولي نے اس لئے بروقت اثر دکھايا کيونکہ وہ رزاق خان سے چند گز کے فاصلے پر موجود تھا۔ پوليس کي گاڑي کي بے وقت آمد نے اس کے بنے بنائے پروگرام کو خاک ميں ملا ديا۔ لوگوں کي نظر جيسے ہي گولي چلنے والي سمت پر پڑي تو وہ بد حواس ہو کر بھاگ کھڑا ہوا۔ داتا بازار کے ساتھ والے بازار میں داخل ہوا اور پھر چھوٹي بڑي ان گنت گليوں نے اس کو نگل ليا۔ يہ اس کا آخري قتل تھا۔