زندگي کسے کہتے ہيں۔ اس لفظ کو بہتر انداز سے سمجھنا يا اس کي گہرائي ميں اتر کر حقائق کو جاننا بابر کے لئے آسان نہ تھا۔اس وقت وہ بمشکل تيرہ سال کا تھا۔ آٹھويں جماعت کا طالب علم جس کو ہنسنے کھيلنے اور شرارتوں کے علاوہ کچھ نہیں سوجھنا ،زيست جيسے فلسفانہ اور سنجيدہ موضوع پر کچے دماغ کي مشينري کو حرکت ميں کيوں لاتا۔

لازما اسکے سلسلہ حيات کي شاہراہ پر کوئي ايسي اونچ نيچ ہوئي ہوگي جس کي وجہ سے وہ پتنگيں اڑانے اور کنچے کھيلنے کي عمر سے بے نياز ہو کر کائنات میں مقصد حيات کے بارے میں سوچنے پر مجبور ہوا۔وہ پڑھائي ميں طاق تھا۔ کرکٹ بھي نہايت عمدہ طريقے سے کھيل ليتا تھا۔ اور گھر سے باہر کھيلنے کودنے کا يہي وقت اس کے لئے کل مسرت کا سامان تھا۔ جيسے ہي وہ گھر کي چوکھٹ پر قدم رکھتا ،آواز آجاتي بدذات لڑکے پھر ان کتے کے پلوں کے ساتھ کھيلنے گيا تھا۔ کتني دفعہ سمجھايا ہے کہ اکرم خان کے بچوں کے منہ نہ لگا کر تجھے الي اور کائي کي طرح باسي کر چھوڑيں گے مگر تو ہے کہ پھر ان کي گلي کي طرف منہ کر کے اونٹ کي طرح دوڑ ا چلا جاتا ہے ،تيرا باپ آنے والا ہے جا کر بازار سے دہي لے کر آ، ميرے تو نصيب پھوٹے جو اس جہنم ميں قدم دکھ ديئے۔ ايک شوہر اور ايک ہي بيٹا دونو نکھٹو۔ ايک شام کو وہ رياضي سے سوال حل کر رہا تھا۔ کمرے ميں بجنے والے دھيمے دھيمے ميوزک کے زير اثر اس کا قلم رواني سے چل رہا تھا کہ ساتھ والے کمرے میں۔