|
|
| زندگي |
|
زندگي ہم
غريبوں کيلئے ۔۔۔کيا ہے زندگي؟ غلامي میں پيدا ہوئے ، غلامي کي،اور
غلامي ميں چل بسے ، نہ کوئي مقصد نہ کوئي منزل ، باپ دادا کو جہاں کام
کرتے ديکھا وہيں پلے بڑھے، انہيں کے احسانوں کے بوجھ تلے جوان ہوئے، ان
کي خدمت کي اور انہيں کے ديئے گئے کفن ميں منوں مٹي تلے جا سوئے اورپ
يچھے نام ليوا بھي کوئي نہ رہا۔ياسمين کي
عمر ہي کتني تھي جب اماں ابا نے اپني جان چھڑانے کيلئے اسے کرم دين کے
ساتھ بياہ ديا تھا کہ جوان لڑکي ہر غريب پر بوجھ ہوتي ہے۔ماں تو يہي
کہنے لگي تھي کہ شوہر اپنے آپ سنبھال کر رکھے گا، آخر کرم دين کرتا ہي
کيا تھا، بيگم صاحبہ کے بنگلے ميں ايک معمولي سا باغبان ہي تو تھا اور
اوپر سے عمر، ايک اٹھارہ سالہ لڑکي کيونکر کسي پينتيس سالہ مرد کے ساتھ
خوشي سے بابل گھر جائيگي ليکن ماں باپ کي بات بے بات جھڑکيوں سے دور
اسے کرم دين کا گھر بھتر محسوس ہوا کہ کم از کم اپنا چاہنے والا تو
ہوگا، مرغيوں کے دڑبے جتني ہي سہي اپني چارد ديواري تو ميسر ہوگي جہاں
وہ من مرضي سے سانس لے سکے گي اور کرم دين کي بانہوں ميں چھپ چھپا کر
سو جايا کرے گي،غرض کہ رخصتي ہوئي تو ثروت بيگم کے بنگے کا ايک چھوٹا
سا سرونٹ کوارٹر اس کا سسرال ٹھرا۔ سفيد رنگ کے کوارٹر کا حدود اربعہ
اگر کھلے ہاتھوں بيان کيا جائے تو دو کمروں ،ايک چھوٹے سے بر آمدے
چھوٹے سے صحن اور ايک غسل خانے پر مشتمل تھا۔بر آمدے کے ايک کونے ميں
گيس والا چولہا ،پيتل کے گنے چنے برتن اور چھري کانٹے سجا کر اس حصے کو
باورچي خانے کا روپ دے ديا گيا تھا۔ايک بلند و بالا محل کے سائے ميں
بسنے والے مختصر سے تين رکني کنبے کي يہي کل کائنات تھي۔ |
|
اگلا صفحہ |
(1) |
صفحہ اول |
|
 |
