اگلے جمعے کو کرن نہا دھو کر بن سنور کر بنگلے میں آئي۔ وہ ہميشہ بنگلے کے اندر جانے سے ڈرتي تھي، اسے تو بنگلے ميں رہنے والے کل افراد کي تعداد بھي معلوم نہ تھي۔ اس دن اس نے بنگلے کي ہر چيز کو غور سے ديکھا۔ ا۔۔ديکھا اور سوچا۔۔اور پھر سوچنا چھوڑ ديا کيونکہ جس چيز تک انسان کي پہنچ نہيں وہاں تک سوچوں کے زاويے کيسے کھينچے جا سکتے ہيں وہ بھي اس صورت ميں جب انسان زندگي بنانے کے ابتدائي مراحل ميں ہو۔ وقت کچھوے ،خرگوش کي دوڑ کے موافق گزرتا رہا، صفائي ستھرائي کا بيشتر کام اب ماں کي جگہ کرن کو ديا جاتا کيونکہ اس کے جوان ہاتھوں سے محنت و مشقت کا رنگ بخوبي جھلکتا تھا۔

کہتے ہيں کہ ہر آنے والا دن مسرت کا پيامبر ہوتا ہے مگر ايسے ہي ايک نئے دن جب سورج مشرق سے سرا بھار کر چار سو روشني بکھيري، وہاں ياسمين اور کرن کي صبح اندھيري ہو چکي تھي۔ دوسروں کے گلستان کي آبياري کرنے والا اپنے چمن کو تشنہ لب چھوڑ گيا تھا۔کرم دين ان دونوں کو زمانے کے رحم و کرم پر چھوڑ کر اگلے جہاں کے سفر پر روانہ ہو چکا تھا۔ ان دونوں کي ننھي منھي دنيا پر غم و اندوہ کے بادل چھا گئے۔ مالکوں کي طرف سے برتاؤميں کسي حد تک نرمي واقع ہوئي۔ اس قدر کمي کہ ثروت بيگم کا لاڈلا بيٹا عبيد جب شفيق نظروں سے کرن کو ديکھتا تو وہ معصوم اندر کر دہل کر رہ جاتي،رواں رواں موسيقي کے آلوں پر کھنچي تاروں کي طرح کانپنے لگتا۔ اس نے جواني کي دہليز پر قدم تو رکھا تھا مگر وہ اس بات سے بے خبر تھي کہ وہ عمر کے ايسے حصے ميں داخل ہو چکي ہے جہاں گھر کي تمام کھڑکياں دروازے اور چھتيں کمينوں کي حفاظت نہيں کر پاتيں۔کرن کا سولہواں جنم دن جس کي تاريخ اس نے کسي کاپي کتاب ميں لکھ رکھي تھي اس مرتبہ چپ چاپ کوارٹر کے خاموش دروازے کو چھو کر گزر گيا۔