|
|
| پہچان |
آج ہم جشن مناتے ہيں کس آزادي کا؟
پہلي آزادي جو ورثے ميں ملي تھي ہم کو؟
يا پر
دوسري آزادي کا، جو دوسري ہجرت سے ملي؟
پہلي آزادي جو ورثے ميں ملي تھي ہم کو
اس کے ملنے ميں بھي پرکھوں کي گئيں تھيں جانيں
لاکھوں گھر اجڑے تھے
بستي کو بسانے کے لئے
نئي نسل بچانے کے لئے
آج
نصف صدي بعد اسي بستي ميں
نئي نسليں جنم ليتي ہيں
ہميں پرکھوں کا پتہ ديتي ہيں
انکي رسموں سے ملا ديتي ہيں
ہم بہت خوش تھے کہ يہ دوسري ہجرت ہم کو
صرف بہتر ہي بنا سکتي ہے
زندگي ميں ہميں
جنت بھي دکھا سکتي ہے
ہم بہت، اور بہت ،اور بہت اچھے ہوئے
اور اسي عرصے ميں
سب کے جواں بچے ہوئے
آج ہم رہتے ہيں
اسي محفوظ قلعہ ميں صاحب
اسکو مت چھيڑئے
کيونکہ اس پر
آپ کا حق ہي نہيں
صرف سفر کرنے کو
رنگ بدلا ہے فقط کاغذ کا
آپ کا رنگ تو بدلا ہي نہيں
پہلي بستي کا ہے جشن نئي دنيا ميں
لوگ جوق درجوق چلے آتے ہيں
اپنے جھنڈے کو لئے
اپنے بچوں کو لئے
شامل جشن تھے ہم بھي
کہ ہميں آيا خيال
سوچا، جب نئي نسل جنم لے گي يہاں
دوسري، تيسري يا کہ چوتھي
کيا وہ بتا سکے گي
کہ ہے کس وطن سے وہ؟
کيا ہے يہ مجھکو يقيں
کہ مرا نام يہاں
ميرے پرکھوں کا پتہ دے گا کل؟
اور پھر آيا خيال
چند سالوں کي راحت کے عوض
ہم نے پايا تو بہت
ہاں بس
پہچان گنوائي اپني |
|
 |
