آنگن آنگن، بھيني بھيني، خوشبو پھيلے گي کيسے
مر جھائے پھولوں کے رخ پر شبنم چمکے گي  کيسے

سوچوں سے عاري ہو کر ساون رت ميں کوئي لڑکي
سکھيوں کے سنگ مل کر اب جھولوں پر جھولے گي کيسے

تو ساجن کے ساتھ چلي ہے تجھ کو اس سے کيا مطلب
تنہائي کي بانہوں ميں ميري شب گزرے گي کيسے

تاريکي ميں ڈوبے کچے گھر کے سونے آنگن ميں
کرنيں اتريں گي کيسے، اب خوشبو پھيلے گي کيسے

ان کھيتوں پر، گر تيرا، آنچل نہ پھيلے گا تو پھر
سبزہ پھوٹے گا کيسے، يہ سرسوں پھولے گي کيسے