کبھي جو شوق زرا بال وپر ميں جاگا ہے
وہيں پہ خوف نيا بال و پر ميں جاگا ہے

نہ آسماں نہ مزاج ہوا ہي راست مگر
کسي کاحرف دعا بال و پر ميں جاگا ہے

بتا رہي ہے جھکتے پروں کي بست و کشاد
کہ اب شعور فضا بال و پر ميں جاگا ہے

يہ کس گماں کيا ہوائوں ميں اڑے ہيں طيور
جو شق اب کے سوا بال و پر ميں جاگا ہے

ابھي حدوں ميں مقيد نہ کر مري پرواز
کہ اب تو کيف ذرا بال و پر ميں جاگا ہے

امنگ گردش خوں کا ہي نام ہے طارق
مگر جب اس کا نشا بال وپر ميں جاگا ہے