تمام رنگ ميں ڈوبي فضائے موسم گل
اڑائے پھرتي ہے دل کو ہوائے موسم گل

ہميں پہ چھا بھي گيا اور ميں سے چھپتا پھرے
ہميں سمجھتے ہيں جو اداے موسم گل

سدا بہار ہيں گلشن کسي کي يادوں کے
نہ ابتدا نہ يہاں انتہائے موسم گل

جنوں ہي موسم ل سے ہے تابہ موسم گل
کسے ہے ہوش يہاں ماسوائے موسم گل

شکست خواب بہاراں سے اب ہے سرگرداں
يہ دل کہ تھا کبھي فرمانرواے موسم گل

يہيں لٹا تھا کبھي قافلہ بہاروں کا
يہيں سے ہوتو پھر ابتدائے موسم گل

اک اضطراب گربياں کےتار تار ميں ہے
کہيں ہے دور مگر صدائے موسم گل

بقائے موسم گل کي دعائيں ہيں طارق
اگر چہ درد خزاں ہے عطائے موسم گل